‎English has no rules II

13140744_1196291677062394_788931775_n

‫#‏انجليزي_بالمعدول‬

عندنا فالعربي النقطة بتغير الكلمة تماما فتخلي اللي قدامك يفهم حاجة تانية خالص غير اللي انت عايزها زي مثلا انك تكتب بدل البيت (البنت) حركة نقاط الحروف غيرت الكلمة تماما و خليتها حاجة غير اللي انت عايزها 

كذلك الانجليزي ممكن بتغيير طريقة نطق كلمة معينة بدل ما تقول لاصحابك “بعذ اذنكم يا جماعة أنا قايم أصلي” تقولهم “بعد اذنكم يا جماعة أنا قايم أنهق” !!

اللغة هي أساس التواصل مع الناس و من خلالها بتكسب العلاقة أو بتخسرها و ده كله راجع لأسلوب تعبيرك و طريقة كلامك 

تخيل بقى انك تكلم واحد و قاصد تمدحه أو تشكره فتنطق حرف غلط يغير معناها لذم أو شتيمة انت هتكون مبتسم و انت بتتكلم و هتلاقيه فجأة هو بيزعق و اتعصب و انت مستغرب هو اتعصب ليه !!

من ضمن الحاجات المهمة جدا و انت بتتكلم انجلش انك ازاي تخرج الحرف صح علشان توصل مفهومك صح للي قدامك و ديه من الحاجات المهمة جدا اللي بنركز عليها في real soft لأن نطق الحرف غلط بيغير المعنى تماما لأنك بكده غيرت الكلمة 

و خاصة الفرق بين حرفي P & B))

فعليا P حرف و ليه نطق معين و B حرف تاني ليه نطق تاني خالص 

و فعلا انك تنطق حرف فيهم غلط على أساس التاني ده بيدي للكلمة معنى غلط و بيحولها لكلمة تانية خالص 

زي Park & Bark 

Park يعني حديقة و bark يعني نباح 

تخيل كده انت بتكلم صاحبك الأجنبي و بدل ماتقوله أنا رايح حديقة الأزهر (Elazhar Park) تقوله أنا رايح (Elazhar Bark) يعني رايح أنبح في الأزهر !!

هتلاقي صاحبك تعبيراته و طريقة كلامه اتغيرت و قلب فجأة بسؤال استنكاري (what) 

أو ليك صديق أجنبي في مصر و طالب منك توديه مكان حلو بدل ماتقوله احنا رايحين حديقة الأزهر تقوله احنا رايحين ننبح فالأزهر 🙂

و زي برده (Pray & Bray)

Pray يصلي و Bray نهيق فتلاقيك مثلا عايز تستأذن في meeting عشان تصلي فبدل ما تقول pray تقول bray يعني بدل ما بعذ اذنكم يا جماعة أنا قايم أصلي بعد اذنكم يا جماعة أنا قايم أنهق !!

فلازم تخلي بالك جدا من طريقة نطق الحروف علشان ماحدش يفهمك غلط و يبقى شكلك مش لطيف 🙂 

استنونا في البوست الجاي في حملة ‪#‎English_has_no_rules‬